टि–२० क्रिकेट टिमलाई प्रचण्डको शुभकामना: हरेक बल, रन र विकेटमा सम्पूर्ण नेपालको साथ र समर्थन
टि–२० क्रिकेट टिमलाई प्रचण्डको शुभकामना: हरेक बल, रन र विकेटमा सम्पूर्ण नेपालको साथ र समर्थन
गण्डकी टाइम्स
गण्डकी टाइम्स
काठमाडौँ, २५ माघ । नेपाली कम्युनिस्ट पार्टी (नेकपा)का संयोजक एवम् पूर्वप्रधानमन्त्री पुष्पकमल दाहाल ‘प्रचण्ड’ले आजदेखि आईसीसी टि–२० विश्वकप खेल्न लागेको नेपाली राष्ट्रिय क्रिकेट टोलीलाई शुभकामना प्रकट गरेका छन् ।
उनले सामाजिक सञ्जालमा लेखेका छन्, ‘टोलीले उत्कृष्ट प्रदर्शन गरेर नेपालको झण्डा विश्वभर फहराउनेमा विश्वस्त छु ।’ उनले भनेका छन्, ‘जारी टि–२० विश्वकपमा आज हाम्रो गौरवशाली राष्ट्रिय टिमले इङ्ग्ल्यान्डविरुद्ध आफ्नो पहिलो खेल खेल्दैछ । अन्तर्राष्ट्रिय क्रिकेटमा छुट्टै पहिचान बनाइसकेको नेपाली टिमले उत्कृष्ट प्रदर्शन गर्दै नेपालको झण्डा विश्वभर फहराउनेमा म पूर्ण विश्वस्त छु ।’
उनले खेलाडीहरूको अथक परिश्रम, एकताबद्ध टिम स्पिरिट र मातृभूमिप्रतिको गहिरो समर्पणले हामी सबैलाई गर्व अनुभूति गराउने बताएका छन् । उनले भनेका छन्, ‘हरेक बलमा, हरेक रनमा, हरेक विकेटमा सम्पूर्ण नेपाल तपाईंहरूसँगै छ । विजयको लागि हार्दिक शुभकामना ।’
https://www.facebook.com/photo.php?fbid=1417506193073106&set=a.392848152205587&type=3&ref=embed_post
प्रतिक्रिया
