काठमाडौँ, १७ जेठ। प्रतिनिधिसभाको बैठकमा विपक्षी एमालेले प्रधानमन्त्री बालेन्द्र शाहको राजीनामा मागेको छ ।
प्रतिनिधिसभा नियमावली पारित गरेपछि बसेको दोस्रो बैठकमा विपक्षीहरूले प्रधानमन्त्री शाह र सभामुखविरुद्ध एमाले सांसदले नाराबाजी गरेका हुन् । उनीहरूले प्रधानमन्त्रीलाई देशद्रोही भनेका छन् । यस्तै, सभामुख डीपी अर्याललाई दलीय पक्षधरता लिएको आरोप लगाएका हुन् ।
संसद्मा आइतबार प्रधानमन्त्री बालेनले सीमा सम्बन्धी प्रश्नोत्तरमा नेपालले पनि भारतको सीमा मिचेको अभिव्यक्ति दिएका थिए । त्यसको विरोधमा एमालेले उनलाई राष्ट्रद्रोही भनेको हो । यस्तै, विपक्षीहरूको अवरोधकाबीच प्रतिनिधिसभा नियमावली पारित गरेपछि दलीय पक्षधरता लिएको आरोप लगाएको हो ।
