मन्त्री फेर्ने मोडमा प्रधानमन्त्री ओली
मन्त्री फेर्ने मोडमा प्रधानमन्त्री ओली
गण्डकी टाइम्स
गण्डकी टाइम्स
काठमाडौँ, १२ मंसिर। प्रधानमन्त्री केपी शर्मा ओलीले केही मन्त्री फर्ने निष्कर्षमा पुगेका छन्। घोषित लक्ष्य हासिल हुने गरी काम गर्न मन्त्रीहरुलाई निर्देशन दिएका प्रधानमन्त्री ओलीले मन्त्रालयको त्रैमासिक कामप्रति असन्तुष्टि जनाउँदै काम गर्न नसके पद ओटेर बस्न नहुने बताए।
बुधबार अपरान्ह प्रधानमन्त्री तथा मन्त्रिपरिषद कार्यालयमा प्रधानमन्त्रीले राखिएका लक्ष्य अनुसार काम गर्न नसक्ने मन्त्रीलाई पद ओगटेर बस्ने काम गर्न नहुनेतर्फ पनि सचेत गराको संस्कृति, पर्यटन तथा नागरिक उडडयनमन्त्री बद्रीप्रसाद पाण्डेले जानकारी दिए।
उनले भने, ‘अब अझ गतिका साथ तीन महिनाको यो समीक्षा पछि अब झन् गतिका साथ अगाडि बढ्ने र हामीले मन्त्रालयका लिएका जे लक्ष्य छन्, त्यो लक्ष्य हासिल गर्ने गरी अगाडि बढ्नुपर्छ भनेर प्रधानमन्त्रीले निर्देशन दिनु भयो। केही सुधार गरेर अझ राम्रो गर्नुपर्छ भन्ने नै हो। र, गत वर्षको भन्दा पुँजीगत खर्चको गति हेर्दाखेरी सकारात्मक देखिएको छ। प्रधानमन्त्रीले भन्नु पनि भयो। लक्ष्य अनुसार काम गर्न हामी सबै तयार हुनुपर्छ। जो जुन ठाउँमा छ। त्यसले सोअनुसार काम, कर्तव्य निर्वाह गर्न सकेन भने त कसैले पनि कुनैपनि ठाउँ ओगटी रहनु हुँदैन।’
त्यस अवसरमा मन्त्रीहरुले आ आफ्नो मन्त्रालयको असोज महिनासम्मको कामको ब्रिफिङ प्रधानमन्त्री ओलीलाई गरेका थिए। त्यस क्रममा मन्त्रीहरूले अन्तर मन्त्रालय समन्वयमा देखिएको समस्याका कारण पनि लक्ष्यअनुसार काम गर्न समस्या भएको धारणा पनि राखेको मन्त्री पाण्डेले बताए।
प्रतिक्रिया
